فراق

                                                              إمبارح اتذكرتك

                                                             حنيت

                                                              فبكيت

                                                                    البيت من بعدك مش هو البيت

إمبارح كوباية الماية

اللي كنت تجيبلي فيها الشاي

وقعت منى اتبعترت

كل حاجة اتغيرت

حتى جدار الأوضة بتاعتك

معرفش يدارى الحزن اتفلق

يا أجمل ما في حياتي اتخلق

سبتني ليه ومشيت

البيت من بعدك مش هو البيت

طب لو جه رمضان

مين هيصبرنى في الصوم

مين هيزعق ع الصلاة

ويزود في اللوم

هلعب مع مين بنك الحظ

همسح مع مين البيت

وتقع منى أقولك : عجزت

لازم أعجز يا كلاب

علشان تبقوا شباب

لازم تحت الواقف

واحد محنى

أول حاجة تغلط فيها يا والدى

إذا راح المحنى

الواقف بتحول محنى

ويعيش في الدهر وحيد

لو كنت أعرف إن كلامك

كان في وداعه

قصدي وداعى

كنت اصرفلك

من بنك العمر إيداعي

واديك العمر وصاحبه

كنت أويا بس مصاحبه

ليه خنت العهد وقابلي مشيت ؟

إمبارح اتذكرتك

حنيت

فبكيت 

البيت من بعدك مش هو البيت

 

Submit to FacebookSubmit to Google PlusSubmit to TwitterSubmit to LinkedIn
أنت هنا: خدمه المجتمع وشئون البيئه النشرة الإلكترونية النشرة الإلكترونية للبيئة فراق

اتصل بنا

المنصورة - شارع الجمهورية - جامعة المنصورة - كلية التجارة
تليفون : 0502243974 - 0502247826
فاكس : 0502254724
البريد الإلكترونى:
عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.